موقع سمير ابو شعيب


    حوار عادي بين عائله اردنيه

    شاطر
    avatar
    ابو مصعب
    مبدع متوسط
    مبدع متوسط

    عدد الرسائل : 679
    العمر : 27
    العمل : العمل
    الجنسية : الجنسية
    الهواية : الهواية
    تاريخ التسجيل : 02/01/2009

    حوار عادي بين عائله اردنيه

    مُساهمة من طرف ابو مصعب في الإثنين أبريل 27, 2009 1:17 am

    الابن : ليش شو سويت؟

    الأب : سواك ضريب يخلع رقبتك

    الابن : شو فيه؟

    الام : شاوي يشوي عضمك ....رد على ابوك بأدب وله

    الابن : هوه انا حكيت شي؟

    الأب:حكحكوا جنابك بالعصايه اوقف عدل يا حيوان

    الابن : حاضر

    الأم :يحضروا على قبرك انشالله ... لما ابوك يحكي انت بتخرس

    الابن :أخرس؟

    الأب : ايوه ان شالله خرسه

    الابن: ماشي

    الأم: اجاك مشش بركبك ما تقوم منه انشالله

    الابن :مشش ؟؟؟ شو هاذا المشش؟؟

    الأب: اما انك قليل حيا ...وبترد على امك كمان ؟ هات العصاي وتعال وله

    الابن: انا رديت على امي؟ يمّـه احكي كلمه

    الأم: موا يمزع نيـعـك وله ....حكيتلك اخرس

    الابن الان اصبح مغلوب على امره ومش فاهم ايش الموضوع وصمت

    الأب: أما جيل قليل حيا...احكي وله ... مالك انخرست

    الابن : شو احكي؟ اذا حكيت بتقولوا عني قليل حيا وبتشوفوني غلط

    الام :حيه الي تقرصك انشالله ... قلتلك تأدب وانت بتحكي مع ابوك

    الأب : ايش 'بتشوفوني غلط' هاي ... شايفنا عميان ولا حول ؟

    الابن : لا اله الا الله

    الأم : الله يوخذك انشالله .... يا ريتني خلفت ابن الجيران ولا انت

    الأب: انا مش عارف هاذا الولد متى بده يصير زلمه...دايما فاظحني بين الرجال

    الابن: طيب شو اعمل عشان تشوفني زلمه ؟

    الأب: قلتلك اخرس وله

    الابن: يا الله ... يا الله ... يا جماعه شو مالكوا ... شو فيه ؟

    الأم: اه صحيح انت ليش ناديت عالولد يا زلمه ؟

    الأب :بتصدقي يا مره اني نسيت..... نساني شو كنت بدي منه هالكلب

    الاب : خلص روح ارجع على غرفتك يابا .

    دانا 59
    مبدع متوسط
    مبدع متوسط

    عدد الرسائل : 153
    العمر : 27
    العمل : طالبه
    الجنسية : فلسطينيه
    الهواية : القراءة
    تاريخ التسجيل : 23/04/2009

    رد: حوار عادي بين عائله اردنيه

    مُساهمة من طرف دانا 59 في السبت مايو 23, 2009 10:32 am

    ههههههههههههههههههههههههههه

      الوقت/التاريخ الآن هو الأربعاء ديسمبر 13, 2017 9:29 pm