زوجه محورنه (زعلانه) خربت بيت جوزها

واحد كان سايق عالطريق بسرعه ومعه زوجته الحردانة

فجأه شاف بالمرايه شرطي عم
يأشرله وقف السيارة, أجا الشرطي وقاله انت سايق فوق 180 كم
والطريق سرعته 80 كم مشان
هيك رح اعطيك مخالفه
الرجل: معليشي انا كنت فوق الـ 80 بشويه

الزوجه :حبيبي انت كنت ماشي عالاقل 180

الزوج : نظرة حقد وغل لزوجته

الشرطي : وكمان مخالفه مشان الضو الخلفي مكسور

الرجل : مكسور ؟؟؟؟... انا ما بعرف انه مكسور

الزوجه : ليه مو انت قلتلي انو الضو انكسر من كم

اسبوع؟

الزوج : نظرة حقد وغل للزوجه

الشرطي : ومخالفه كمان لانك مو رابط حزام الامان

الرجل : انا فاكك الحزام هلأ لما وقفت

الزوجه : لا لا لا , حبيبي انت بعمرك ما ربطت الحزام

الزوج و هو متجاكر صرخ: انتي مابتعرفي تسكتي

ابدا؟؟؟؟؟؟؟؟

الشرطي بيسأل الزوجه: هو دايما بيصرخ عليكي هيك؟؟؟؟؟؟

الزوجه : لالالا حرام مو دايما بس لما بيكون سكران


الشرطي : سكران؟؟؟

الرجل : لالالالالا, ما تصدقها

الزوجه: ما ترد عليه, هو لقا قنينة ويسكي بالسياره

يوم ما سرقها

الشرطي : يعني السياره مسروقه؟؟؟؟؟؟؟؟

الرجل : ما ترد عليها يا سيدي.... وانتي اسكتي ولا

تخليني اطلقك

الشرطي : هاد هيك على طول بيهددك بالطلاق؟؟؟؟؟؟؟

الزوجه : مو ليكون متجوزني اول؟

هههههههههههههههههه

بس مكرره هاي
عكلا مشكووووووور

مستاهل ليش ازعلها

هههههههههههههه

النسوان بعزين النكد زي عنيهن و اكثر

بلا شو

و الله كلام الاخ ابو اسلام صحيح
النسوان بحبين النكد اكثر من اولادهن

ما شاء الله عليكو